10 iyun 2022-ci il tarixində Təhsil Tələbə Krediti Fondu (TTKF) ilə Dövlət İmtahan Mərkəzi (DİM) arasında əməkdaşlıq Memorandumu imzalanıb.

Memoranduma əsasən, əhalinin aztəminatlı təbəqələrindən olan şəxslərin təhsilə əlçatanlığını təmin etmək, təhsil almaqda bərabər imkanlar yaratmaq və təhsilin əhatə dairəsini genişləndirmək, gənclərin bilik və bacarıqlarını artırmaq və əmək bazarında yer tutmalarına dəstək olmaq məqsədilə TTKF-nin yaratdığı imkanlar barədə məlumatlılığın artırılması məqsədilə əməkdaşlığın genişləndirilməsi razılaşdırılıb.

Qeyd edək ki, Anlaşma Memorandumu imzalandığı tarixdən qüvvəyə minib və üç (3) il müddətində qüvvədə olacaq.

Təhsil Tələbə Krediti Fondu ilə DOST Agentliyi arasında Anlaşma memorandumu imzalanıb. Sənədi Təhsil Tələbə Krediti Fondunun İdarə Heyətinin sədri Araz Paşayev və DOST Agentliyin İdarə Heyətinin sədri Fərid Məmmədov imzalayıblar. Təhsil Tələbə Krediti Fondunun İdarə Heyətinin sədri Araz Paşayev memorandumun qarşılıqlı əməkdaşlığın geniş spektrlərini əhatə edəcəyini bildirib və hər iki qurum üçün müsbət nəticələr gətirəcəyini qeyd edib. Fərid Məmmədov imzalanma mərasimindəki çıxışı zamanı rəhbərlik etdiyi qurumun fəaliyyəti barədə məlumat verib. O qeyd edib ki, qısa müddət ərzində sosial sahədə brendə çevrilən DOST-un fəaliyyəti bir sıra nüfuzlu beynəlxalq təşkilatlar tərəfindən yüksək qiymətləndirilib. İmzalanan bu memorandum da DOST dəyərlərinin inkişafında öz töhfəsini verəcəkdir. Memoranduma əsasən, tərəflər təhsil tələbə krediti alan tələbələrin müvafiq sahədə könüllü və təcrübə proqramlarında iştirakının dəstəklənməsi, Agentliyin işində elmi-tədqiqat işlərinin və innovasiyaların tətbiqinin genişləndirilməsi, birgə layihələrin həyata keçirilməsi və s. istiqamətlərdə razılığa gəliblər.

14.10.2022-ci il tarixdə Təhsil Tələbə Krediti Fondu (TTKF) ilə Azərbaycan Dövlət İqtisad Universiteti (UNEC) arasında birgə fəaliyyət planının müəyyən edilməsi və qarşılıqlı əməkdaşlıq haqqında Memorandum aktı imzalanmışdır. Sənədi Təhsil Tələbə Krediti Fondunun İdarə Heyətinin sədri Araz Paşayev və Azərbaycan Dövlət İqtisad Universitetinin rektoru Ədalət Muradov imzalayıblar. Memorandum aktının məqsədi UNEC-lə əməkdaşlıq və tərəfdaşlıq münasibətlərini təmin etməklə təhsil tələbə kreditləri haqqında məlumatların daha geniş kütləyə çatması, tələbələrin və valideynlərin təhsil tələbə kreditləri və güzəştləri haqqında daha düzgün məlumatlanması, sosial məsuliyyəti artıran layihələrin icrası, birgə tədbirlərin təşkil edilməsi, UNEC tələbələrinin bilik və bacarıqlarının davamlı inkişafının təmin edilməsi ilə bağlı layihələrin birgə icrası sahələrində əməkdaşlıq edilməsinə yönəlmişdir.

Bakı Dövlət Universiteti və Təhsil Tələbə Krediti Fondu arasında əməkdaşlıq müqaviləsi imzalanıb. Müqaviləyə əsasən, tərəflər Universitet tələbələrinin Fondun təqdim etdiyi təqaüd proqramlarına qoşulması və birgə digər proqramlarda iştirakına dəstək məqsədilə müştərək layihələrin icra edilməsi istiqamətində əməkdaşlıq edəcəklər.

Təhsil Tələbə Krediti Fondu ilə ADA Universiteti arasında birgə fəaliyyət planının müəyyən edilməsi və qarşılıqlı əməkdaşlıq haqqında Memorandum aktı imzalanıb. Sənədi ADA Universitetinin prorektoru, eləcə də İnkişaf və Diplomatiya İnstitutunun direktoru Fariz İsmayılzadə və Təhsil Tələbə Krediti Fondunun İdarə Heyətinin sədri Araz Paşayev imzalayıblar. Təhsil Tələbə Krediti Fondunun İdarə Heyətinin sədri Araz Paşayev Fondun fəaliyyət istiqamətləri, tələbələrə göstərdiyi dəstək barədə məlumat verib. Memorandumun qarşılıqlı əməkdaşlığın geniş spektrlərini əhatə edəcəyini bildirib və hər iki tərəf üçün müsbət nəticələr gətirəcəyini qeyd edib. ADA Universitetinin prorektoru Fariz İsmayılzadə ADA Universitetində tələbələrə təqdim edilən təhsil təqaüdündən və bu təqaüdün təhsilin inkişafına verdiyi dəstəkdən bəhs edib. Təqaüdün tələbələrin düzgün ixtisas seçiminə müsbət təsir etdiyini və kreditin gəncləri yüksək akademik göstəricilərlə təhsil almağa sövq etdiyini vurğulayıb. Əlavə edilib ki, 2021-2022-ci il ərzində ADA Universitetində 100-dək tələbə Təhsil Tələbə Krediti Fondunun təqdim etdiyi kreditdən yararlanıb. Memorandum aktının məqsədi ADA Universiteti ilə əməkdaşlıq və tərəfdaşlıq münasibətlərini təmin etməklə təhsil tələbə kreditləri haqqında məlumatların daha geniş kütləyə çatması, tələbələrin və valideynlərin təhsil tələbə kreditləri və güzəştləri haqqında daha düzgün məlumatlanması, sosial məsuliyyəti artıran layihələrin icrası, birgə tədbirlərin təşkil edilməsi, ADA tələbələrinin bilik və bacarıqlarının davamlı inkişafının təmin edilməsi ilə bağlı layihələrin birgə icrası sahələrində əməkdaşlıq edilməsinə yönəlmişdir.

Azərbaycan Respublikasının Ailə, Qadın və Uşaq Problemləri üzrə Dövlət Komitəsi ilə Təhsil Tələbə Krediti Fondu arasında memorandum imzalanıb.

12.12.2022-ci il tarixdə Təhsil Tələbə Krediti Fondu ilə "ArchiCO" MMC (ArchiCO Engineering Company) arasında birgə əməkdaşlıq haqqında Anlaşma Memorandum aktı imzalanmışdır. Sənədi Təhsil Tələbə Krediti Fondunun İdarə Heyətinin sədri Araz Paşayev və “ArchiCO” MMC-nin baş direktoru Məhəmməd Musayev imzalayıblar. Memorandumun məqsədi birgə proqramların təşkilinə, innovativ təşəbbüslərin həyata keçirilməsinə dəstək olunması, TTK alan tələbələrin müvafiq sahədə könüllü və təcrübə proqramlarında, istehsalat təcrübəsində, o cümlədən seminar və təlimlərdə iştirakının dəstəklənməsi, hazırlıq səviyyəsinin əmək bazarının tələblərinə uyğun təcrübə proqramlarına cəlb edilməsi, əmək bazarına inteqrasiyasının təmin edilməsi məqsədi ilə Fondun dəstəyi ilə keçirilən karyera yarmarkalarında iştirakın təmin edilməsi, şirkətdə müvafiq sahə üzrə vakansiyalar yaranarsa TTK-dan yararlan təhsilalanlara və məzunlara üstünlük verilməsi və digər sahələrdə qarşılıqlı əməkdaşlığın qurulması ilə bağlı olmuşdur.

2023-cü il yanvarın 24-də Xəzər Universiteti (Xəzər Universiteti / Khazar University) və Təhsil Tələbə Krediti Fondu arasında memorandum imzalanmışdır. Görüşdə Xəzər Universitetinin rektoru İradə Xəlilova, Tədris və Tələbə işləri üzrə prorektor Məhəmməd Nuriyev, Qəbul şöbəsinin müdiri Lamiyə Xəlilova, Təhsil Tələbə Krediti Fondunun İdarə Heyətinin sədri Araz Paşayev, Təhsil Müəssisələri ilə İş şöbəsinin müdiri Turanə Kərimova, Təhsil Müəssisələri ilə İş şöbəsinin aparıcı mütəxəssisi Ağca Məmmədova, İnsan Resursları üzrə mütəxəssis Fatimə Abdullayeva iştirak etmişlər. TTK Fondunun nümayəndələri Fondun tələbələrə təklif etdiyi kreditlər, müraciət qaydaları, ödəmə şərtləri haqqında məlumat vermişdir. Görüşdə Xəzər Universiteti və Təhsil Tələbə Krediti Fondu arasında mümkün əməkdaşlıqlar müzakirə olunmuşdur.

Təhsil Tələbə Krediti Fondu və Sosial Xidmətlər Agentliyi sosial cəhətdən həssas ailələrdən olan tələbələrə təhsil sahəsində xidmət məqsədilə əməkdaşlıq edəcək. Elm və Təhsil Nazirliyi tabeliyində Təhsil Tələbə Krediti Fondu və Əmək və Əhalinin Sosial Müdafiəsi Nazirliyi tabeliyində Sosial Xidmətlər Agentliyi arasında birgə əməkdaşlıq haqqında anlaşma memorandumu imzalanıb. Tədbirdə Agentliyin İdarə Heyətinin sədri Vüqar Behbudov qurumun fəaliyyəti və həyata keçirilən genişmiqyaslı sosial dəstək tədbirləri barədə məlumat verib. Agentliyin Respublika üzrə 12 filial və 13 müəssisəsi tərəfindən həssas əhali qruplarına göstərilən #səyyar və stasionar xidmətlərdən bəhs edilib. Təhsil Tələbə Krediti Fondunun İdarə Heyətinin sədri Araz Paşayev Fondun fəaliyyət istiqamətləri, tələbələrə göstərdiyi dəstək barədə məlumat verib. İki qurum arasında əməkdaşlığın həssas əhali qruplarına aid tələbələrə göstərilən xidmətlərin əhatə dairəsinin, eləcə də keyfiyyətinin artırılmasında önəmini vurğulayıb. İmzalanan memorandum sosial cəhətdən həssas ailələrdən olan tələbələrin təhsilə əlçatanlığını təmin etmək məqsədilə məlumatlılıq səviyyəsinin artırılması və maarifləndirmə işinin təşkili, o cümlədən onların müvafiq sahədə könüllü və təcrübə proqramlarında, istehsalat təcrübəsində, seminar və təlimlərdə iştirakının dəstəklənməsi məqsədi daşıyır. Memorandumda tərəflər arasında əlaqələrin inkişaf etdirilməsi üçün sosial əhəmiyyətli layihələrin həyata keçirilməsi üzrə əməkdaşlıq istiqamətləri öz əksini tapır.

06 iyul 2023 -cü il tarixində Təhsil Tələbə Krediti Fondu ilə Əmək Bazarı və Sosial Müdafiə Məsələləri üzrə Milli Observatoriya arasında birgə əməkdaşlığa dair anlaşma memorandumu imzalanıb.
Memorandum çərçivəsində sosial baxımdan həssas əhali qrupuna aid edilən tələbələrin təhsilə əlçatanlığının təmin edilməsi ilə bağlı təhlillərin aparılması, əmək bazarının kəmiyyət və keyfiyyət parametrləri nəzərə alınmaqla perspektiv peşə və ixtisaslara, zəruri bacarıqlara və səriştələrə olan tələbatın proqnozlaşdırılması bu sahədə ictimaiyyətin mütəmadi məlumatlandırılması və aktual problemlərin şərhinin verilməsi istiqamətində birgə fəaliyyət həyata keçiriləcəkdir.


14 iyun 2023 -cü il tarixində Elm və Təhsil Nazirliyi tabeliyində Təhsil Tələbə Krediti Fondu və “Azərpoçt" MMC arasında birgə əməkdaşlıq haqqında anlaşma memorandumu imzalanıb.
Memorandum Azərbaycan Respublikasının qanunvericiliyinə, habelə Fondun, Cəmiyyətin Nizamnaməsinə uyğun olaraq qarşılıqlı təcrübə mübadiləsi, sosial cəhətdən həssas ailələrdən olan tələbələrin təhsilə əlçatanlığının təmin edilməsi, təhsil tələbə kreditlərindən yararlanmış namizədlərin poçt, telekommunikasiya və digər əlaqəli ixtisaslara uyğun peşələrə yönləndirilməsi və işlə təmin olunması, bu xüsusda birgə proqramların təşkili və birgə fəaliyyət göstərməklə müştərək layihələrin icra edilməsi məqsədilə qarşılıqlı əməkdaşlığı tənzimləyəcək.

14 iyun 2023 -cü il tarixində Elm və Təhsil Nazirliyi tabeliyində Təhsil Tələbə Krediti Fondu və “Azərpoçt" MMC arasında birgə əməkdaşlıq haqqında anlaşma memorandumu imzalanıb.Görüşdə Təhsil Tələbə Krediti Fondunun İdarə Heyətinin sədri Araz Paşayev və “Azərpoçt” MMC-nin İdarə Heyətinin sədri Əfqan Cəlilov və rəhbər şəxsləri iştirak edib.Tədbirdə Təhsil Tələbə Krediti Fondunun İdarə Heyətinin sədri Araz Paşayev Fondun fəaliyyət istiqamətləri, tələbələrə göstərdiyi dəstək barədə məlumat verib və bu memorandumun əmək bazarına verəcəyi tövhədən söz açıb.
“Azərpoçt” MMC-nin İdarə Heyətinin sədri Əfqan Cəlilov rəhbərlik etdiyi qurumun fəaliyyəti barədə məlumat verib. O qeyd edib ki, imzalanan bu memorandum tələbələrin təcrübə qazanmasına və sevdikləri sahədə mütəxəssis olmasına zəmin yaradacaq.

Memorandum Azərbaycan Respublikasının qanunvericiliyinə, habelə iki qurumun Nizamnaməsinə uyğun olaraq qarşılıqlı təcrübə mübadiləsi, sosial cəhətdən həssas ailələrdən olan tələbələrin təhsilə əlçatanlığının təmin edilməsi, təhsil tələbə kreditlərindən yararlanmış, rabitə, telekommunikasiya və s. əlaqəli ixtisaslara uyğun peşələrə yönləndirilməsi və işlə təmin olunmasına, bu xüsusda birgə proqramların təşkilinə və birgə fəaliyyət göstərməklə müştərək layihələrin icra edilməsi məqsədilə qarşılıqlı əməkdaşlığı tənzimləyir.

Elm və Təhsil Nazirliyi tabeliyində Təhsil Tələbə Krediti Fondu və Atəşgah Sığorta Şirkəti ASC arasında birgə əməkdaşlıq haqqında anlaşma memorandumu imzalanıb.Tədbirdə Təhsil Tələbə Krediti Fondunun İdarə Heyətinin sədri Araz Paşayev Fondun fəaliyyət istiqamətləri, tələbələrə göstərdiyi dəstək barədə məlumat verib və bu memorandumun əmək bazarına verəcəyi töhfədən söz açıb.

Atəşgah Sığorta Şirkəti ASC -nin İdarə Heyətinin sədri Tahir Kazımov rəhbərlik etdiyi qurumun fəaliyyəti barədə məlumat verib. O qeyd edib ki, imzalanan bu memorandum tələbələrin təcrübə qazanmasına və sevdikləri sahədə mütəxəssis olmasına zəmin yaradacaq.Memorandum Azərbaycan Respublikasının qanunvericiliyinə, habelə iki qurumun Nizamnaməsinə uyğun olaraq qarşılıqlı təcrübə mübadiləsi, sosial cəhətdən həssas ailələrdən olan tələbələrin təhsilə əlçatanlığının təmin edilməsi, təhsil tələbə kreditlərindən yararlanmış tələbələrin işlə təmin olunmasına, bu xüsusda birgə proqramların təşkilinə və birgə fəaliyyət göstərməklə müştərək layihələrin icra edilməsi məqsədilə qarşılıqlı əməkdaşlığı tənzimləyir.