"Karyera İmpulsu - Şəxsi İnkişaf Yolu"

Təhsil Tələbə Krediti Fondu və Bakı Slavyan Universitetinin “Təcrübə və məzunların karyera inkişafı” şöbəsinin birgə təşkilatçılığı ilə "Karyera İmpulsu - Şəxsi İnkişaf Yolu" layihəsi çərçivəsində təhsil tələbə kreditindən yararlanmış tələbələr üçün “Karyera planlaması”, “CV hazırlanma qaydaları” və “İş müsahibəsinə hazırlıq” mövzularında görüş keçirilib.

Tələbələrə "Karyera İmpulsu - Şəxsi İnkişaf Yolu" layihəsi haqqında məlumat verilib. Bildirilib ki, bu layihənin məqsədi təhsil tələbə kreditindən yararlanmış gənclərin əmək bazarına düzgün inteqrasiya prosesinə dəstək verməkdir.

Layihə çərçivəsində iştirakçılara “Karyera planlaması”, “CV hazırlanma qaydaları”, “İş müsahibəsinə hazırlıq” və s. mövzular haqqında ətraflı məlumat verilib, interaktiv oyunlar və komanda işləri təşkil edilib.

Sonda layihə iştirakçılarına sertifikatlar təqdim edilib.