İ.M Seçenov adına Moskva Dövlət Tibb Universitetinin Bakı Filialında Təhsil Tələbə Krediti Fondunun nümayəndəsi görüş keçirib.

İ.M Seçenov adına Moskva Dövlət Tibb Universitetinin Bakı Filialında Təhsil Tələbə Krediti Fondunun nümayəndəsi Günay Xəlilova ilə ödənişli əsaslarla təhsil alan tələbələr arasında görüş keçirilib.

Təbliğat və maarifləndirmə məqsədilə keçirilən görüşdə Təhsil Tələbə Krediti Fondunun əməkdaşı Günay Xəlilova Azərbaycan Respublikasının Prezidenti cənab İlham Əliyevin 17 iyun 2021-ci il tarixli 1367 saylı Fərmanı ilə təsis edilmiş TTKF-in fəaliyyət istiqamətləri, Fonda müraciət qaydaları və təhsil tələbə kreditlərinin verilməsi meyarları barədə görüş iştirakçılarına geniş məlumat verib.

Daha sonra tələbələrin sualları cavablandırılıb və birlikdə müzakirələr aparılıb.