Təhsil Tələbə Krediti Fondunun əməkdaşı Goranboy rayonunda görüş keçirib.

Təhsil Tələbə Krediti Fondunun əməkdaşı Məhəmmədəli Abdin Gəncə-Daşkəsən Regional Təhsil İdarəsinin təşkilatçılığı ilə 05 iyun tarixində Goranboy rayonunda 9-11 ci sinif şagirdlərinin maarifləndirilməsi istiqamətində görüş keçirib.

Görüş Goranboy rayonu Dəliməmmədli şəhər M.Zeynalov adına tam orta məktəbində keçirilib. Fondun əməkdaşı tərəfindən abituriyentlərə TTKF-in fəaliyyət istiqamətləri, Fonda müraciət qaydaları və təhsil tələbə kreditlərinin verilməsi meyarları barədə geniş məlumat verilib. Abituriyentlərə Təhsil Tələbə Krediti Fonduna güvənərək ixtisas seçimi edərkən arzuladıqları ixtisası seçmələri və sevdikləri sahə üzrə mütəxəssis olmağı bildiriblər. 

Sonda abituriyentlərin sualları cavablandırılıb və təklifləri dinlənilib.