Təhsil tələbə kreditindən yararlanmış tələbələr üçün “PashaPay” MMC-nin təqdimatı keçirilib

Təhsil Tələbə Krediti Fondu Bakı Avrasiya Universitetinin Karyera və təcrübə mərkəzi ilə birgə TTKF tərəfindən başlanan "Karyera İmpulsu - Şəxsi İnkişaf Yolu" layihəsi çərçivəsində təhsil tələbə kreditindən yararlanmış tələbələr üçün “PashaPay” MMC-nin təqdimatı keçirilib.

Təqdimatda tələbələr üçün “PashaPay” MMC-nin satış departamentinin müdiri Elçin Allahverdiyev tərəfindən m10 mobil tətbiqinin təqdimatı keçirilib.
Təqdimatda m10-a sahib olmaq və ondan istifadə etmək qaydasından, m10 istifadəçilərinin əldə etdiyi üstünlüklərdən, m10 mobil tətbiqinin sərfəli təkliflərlərindən və qabaqcıl texnoloji həllərindən bəhs edilib. O cümlədən, “PashaPay” MMC-nin təcrübə proqramları haqqında da ətraflı məlumat verilib.

Sonda mövzular ətrafında müzakirələr aparılıb və suallar cavablandırılıb.