TTKF Peşə yarmarkasında təmsil olunub.

13 avqust tarixində Bakı Biznes Universitetində keçirilən İxtisas Bələdçisi Forumu çərçivəsində Peşə yarmarkası təşkil olunub. Yarmarkada Təhsil Tələbə Krediti Fondu da təmsil olunub.

Fondun stendini ziyarət edən iştirakçılara təhsil tələbə kreditləri, müraciət qaydaları, tətbiq olunan güzəştlər və s. haqqında ətraflı məlumat verilib. Həmçinin bildirilib ki, TTKF-dən yararlanmış tələbələrin işlə təmin olunma imkanlarını yaxşılaşdırmaq istiqamətində Fond tərəfindən davamlı iş aparılır. Tələbə və məzunların peşəkar bacarıqlarını artırması üçün əmək bazarının tələblərinə uyğun təcrübə proqramlarına cəlb edilməsi, karyera yarmarkalarında iştirakının təmin edilməsi, onların müxtəlif sahələrdə öz bacarıqlarını sınamaq və inkişaf etdirməsi üçün şəraitin yaradılması məqsədilə dövlət və özəl sektorun aparıcı təmsilçiləri ilə əməkdaşlıq qurulur.