Təhsil tələbə kreditlərinin verilməsi qaydaları ilə bağlı Gəncə şəhəri, Şəmkir və Qazax rayonunun sakinləri də məlumatlandırılıb.

Təhsil Tələbə Krediti Fondu və “Regional İnkişaf” İctimai Birliyinin birgə təşkilatçılığı ilə keçirilən təhsil tələbə kreditləri üzrə məlumatlandırıcı sessiyalar Gəncə şəhəri, Şəmkir və Qazax rayonlarında davam etdirilib.

Sakinlərə təhsil tələbə kreditinin məqsəd və növləri, bu kreditdən yararlanmaq üçün müraciət qaydaları, tətbiq edilən güzəştlər və digər vacib məqamlarla bağlı ətraflı məlumat çatdırılıb.