Azərbaycan Dövlət Mədəniyyət və İncəsənət Universitetinin nəzdində Humanitar Kollecində görüş keçirilib.

Təhsil Tələbə Krediti Fondunun əməkdaşı Aysel Hacıyeva 17 noyabr tarixində Azərbaycan Dövlət Mədəniyyət və İncəsənət Universitetinin nəzdində Humanitar Kollecinin tələbələri ilə maarifləndirici görüş keçirib.

Fondun əməkdaşı Aysel Hacıyeva görüş zamanı tələbələrə təhsil tələbə kreditinə müraciət qaydaları, güzəştlər və qeydiyyat prosesi barəsində məlumatlar verib.

Sonda tələbələrin sualları cavablandırılıb və təklifləri dinlənilib.