Daha 3 Universitetlə əməkdaşlığın genişləndirilməsi razılaşdırılıb.

TTKF-dən yararlanmış tələbələrin təhsilini başa vurduqdan sonra təhsil kreditlərini geri qaytarmalarına dəstək göstərmək üçün onların məşğulluq imkanlarının artırılması məqsədilə təcrübə proqramlarına cəlb olunması və yekunda işlə təmin olunması istiqamətində işlər davam etdirilir.

Bu məqsədlə Azərbaycan Dövlət Neft və Sənaye Universiteti, Bakı Slavyan Universiteti və Azərbaycan Dövlət İqtisad Universitetində (UNEC) görüşlər keçirilib. Tələbə və məzunların peşəkar bacarıqlarını artırması üçün əmək bazarının tələblərinə uyğun təcrübə proqramlarına cəlb edilməsi, karyera yarmarkalarında iştirakının təmin edilməsi, onların müxtəlif sahələrdə öz bacarıqlarını sınamaq və inkişaf etdirməsi üçün şəraitin yaradılması və digər məsələlər ətrafında fikir mübadiləsi aparılıb, qarşıya qoyulan hədəflərə çatmaq üçün əməkdaşlığın genişləndirilməsi razılaşdırılıb.