11 avqust 2023-cü il tarixdə Azərbaycan Respublikasının “Biznes Mühiti və Beynəlxalq Reytinqlər üzrə Komissiya”sında Elm və Təhsil Nazirliyi tərəfindən rəhbərliyi həyata keçirilən İnsan Kapitalı işçi qrupunun növbəti iclası keçirilmişdir.

Təhsil Tələbə Krediti Fondunun İdarə Heyətinin sədri Araz Paşayev həmin iclasda Fondu təmsil etmişdir.
Videokonfrans formatında keçirilən iclasda 2023-cü il üzrə təsdiqlənmiş Fəaliyyət Planında işçi qrupunun birinci yarımil ərzində ümumi fəaliyyəti, tədbirlər planının icra vəziyyəti, o cümlədən ölkəmizdə cari ilin ilk altı ayı ərzində elm və təhsil sahəsində qəbul edilmiş və insan kapitalının inkişafına xüsusi xidmət edən bir sıra yeni hüquqi aktlar, habelə onların əhatə dairəsi barədə müzakirələr aparılmışdır.