Təhsil Tələbə Krediti Fondu

Yardım masası yaradıldı

2025–2026-cı tədris ilinin payız semestri üzrə ödənişli əsaslarla ali təhsil müəssisələrinin bakalavriat səviyyəsinə qəbul olunmuş abituriyentlər 28 avqust – 08 sentyabr tarixlərində portal.edu.az platforması üzərindən təhsil qeydiyyatını tamamladıqdan sonra, paralel olaraq www.e-ttkf.edu.az portalı vasitəsilə Təhsil Tələbə Krediti (TTK) üçün müraciət edə bilərlər.

Qeydiyyat başlayır!

2025-2026-cı tədris ili üzrə ali təhsil müəssisələrinin bakalavriat səviyyəsinə qəbul olunmuş abituriyentlərə müraciət!

Əziz tələbələr, Sizi ali təhsil müəssisəsinə qəbul olunmağınız münasibətilə Təhsil Tələbə Krediti Fondu adından təbrik edirik! Bu nailiyyətiniz sizin zəhmətinizin və əzminizin nəticəsidir.

Tələbələr üçün YENİ İMKAN!

Təhsil Tələbə Krediti Fondunun fəaliyyətinə ümumi rəhbərliyi həyata keçirən Himayəçilik Şurasının avqust ayında keçirilmiş iclasında orta ixtisas və ali təhsil pillələrinə yeni qəbul olmuş tələbələrə dair mühüm qərarlar qəbul edilib.

Dövlət İmtahan Mərkəzində sərgi keçirilib

30 iyul – 1 avqust 2025-ci il tarixlərində Dövlət İmtahan Mərkəzinin təşkilatçılığı ilə Mərkəzin Elektron İmtahanlar Korpusunda ali təhsil müəssisələrinin sərgisi keçirilib.

Sərgidə respublika ərazisində fəaliyyət göstərən 40-a yaxın dövlət və özəl ali təhsil müəssisəsi təmsil olunub.

TTKF təhsil proqramlarının inkişafına dəstək verir

Əmək bazarının tələblərinə uyğun kadr hazırlığını dəstəkləmək məqsədilə Sənaye və İnnovasiyalar üzrə, eləcə də Turizm və Sosial Xidmətlər üzrə Bakı Dövlət Peşə Təhsil Mərkəzləri “Code Academy”, “CASA” və “İMZA GROUP” ilə əməkdaşlığa dair Anlaşma Memorandumu imzalayıb.

TTKF-də vətəndaş qəbulu keçirilib.

25 iyun 2025-ci il tarixində Təhsil Tələbə Krediti Fondunda (TTKF) vətəndaş qəbulu həyata keçirilib. Qəbul Fondun İdarə Heyətinin sədri Bəhruz Əzimov tərəfindən qəbul cədvəlinə uyğun olaraq keçirilib.

Təhsil Tələbə Krediti Fondu – 4 illik uğur yolu!

2021-ci ilin 17 iyun tarixində Azərbaycan Respublikasının Prezidenti cənab İlham Əliyevin imzaladığı 1367 nömrəli Fərmanla Təhsil Tələbə Krediti Fondu yaradılmışdır. Elm və Təhsil Nazirliyinin tabeliyində fəaliyyət göstərən bu Fondun əsas məqsədi ölkəmizdə təhsil alan gənclərin sosial rifahının yüksəldilməsi, təhsilə çıxış imkanlarının genişləndirilməsi və maliyyə imkanlarının məhdudluğu səbəbilə ali təhsildən kənarda qalan tələbələrin dəstəklənməsi olmuşdur.

“Usta Mənəm” peşə bacarıqları müsabiqəsi

İkinci dəfə keçirilən “Usta Mənəm” müsabiqəsi respublikanın 15 şəhər və rayonunu əhatə edərək, müxtəlif ixtisaslar üzrə peşə sahiblərinə öz bilik və bacarıqlarını nümayiş etdirmək imkanı yaradıb.

AZMİU-da Karyera Sərgisi keçirilib

01 may 2025-ci il tarixində Azərbaycan Memarlıq və İnşaat Universitetində (AzMİU) növbəti – sayca 6-cı Karyera Sərgisi təşkil olunub. Sərginin əsas məqsədi tələbə və məzunların iş dünyası ilə birbaşa əlaqə qurmasına, iş və təcrübə imkanları barədə ətraflı məlumat əldə etmələrinə şərait yaratmaq olub.

ARPA ilə Memorandumu imzalanıb.

Aprelin 24-də Təhsil Tələbə Krediti Fondu (TTKF) ilə "Azərbaycan Mühasiblər və Risk Peşəkarları Assosiasiyası" (ARPA) İctimai Birliyi arasında Anlaşma Memorandumu imzalandı.

İnteraktiv xəritə

Sualınız var?

Ən çox verilən sualların cavabı üçün FAQ bölməsinə baxın

Daha çox

1. TTK nədir və kimlər müraciət edə bilər?

Təhsil tələbə krediti (TTK) tələbələrin təhsil haqqını ödəyə bilmələri üçün onlara dövlət tərəfindən verilən uzunmüddətli və güzəştli kredit növüdür.

Təhsil tələbə kreditinə Azərbaycan Respublikasında rəsmi olaraq fəaliyyət göstərən dövlət və özəl təhsil müəssisələrində ali təhsil pilləsinin bakalavriat (əsas (baza ali) tibb təhsili) və magistratura (rezidentura), orta ixtisas təhsili pilləsi, həmçinin peşə təhsili pilləsinin texniki peşə və yüksək texniki peşə təhsili səviyyələrində təhsil alan Azərbaycan Respublikasının vətəndaşları müraciət edə bilərlər.
TTK normativ təhsil müddətində (8 semestr) əyani və ödənişli əsaslarla təhsil alan vətəndaşlara verilir. TTK-ya müraciət zamanı əvvəlki semestrin nəticələri üzrə akademik borc (fənlər üzrə kəsir) olmamalıdır.

2. TTK-nin hansı növləri vardır?

Sosial (illik 2%) və Standart (illik 6%). *Təhsil göstəricilərinə əsasən güzəşt hüququ əldə etdikdə: 0% (faizsiz)
https://e-ttkf.edu.az/Account/CreditCalculator

3. Sosial TTK-dən kimlər istifadə edə bilər?

1.Ünvanlı dövlət sosial yardımı alan ailələrin üzvləri;
2.Orqanizmin funksiyalarının 31-60 faiz pozulmasına görə (3-cü qrup) əlilliyi olanlar;
3.Ailə başçısını itirməyə görə əmək pensiyası alanlar;
4.Ailə başçısını itirməyə görə sosial müavinət alanlar;
5.Azərbaycan Respublikasının ərazi bütövlüyü uğrunda döyüş əməliyyatlarında iştirak edərək “Müharibə veteranı” adı almış şəxslər; (təkrar ali, orta ixtisas və yüksək texniki peşə təhsil aldıqları zaman)
6.Hər iki valideyni (tək valideyni olduqda isə həmin şəxs) və ya digər qanuni nümayəndələri:
• orqanizmin funksiyalarının 61-100 faiz pozulmasına görə (1 və ya 2-ci qrup) əlilliyi olanlar;
• işsiz kimi rəsmi qeydiyyatlı olanlar;
• yaşa görə əmək pensiyası alanlar;
• yaşa görə sosial müavinət alanlar;
• ailə başçısını itirməyə görə pensiya alanlar;
• orqanizmin funksiyalarının 81-100 faiz pozulmasına görə və ya 18 yaşınadək əlilliyi müəyyən edilmiş şəxslərə qulluq etdiyinə görə Azərbaycan Respublikası Prezidentinin təqaüdünü alanlar;
• Bir valideyni müəyyən müddətə azadlıqdan məhrum etmə, ömürlük azadlıqdan məhrum etmə və ya azadlığın məhdudlaşdırılması növlərində cəza çəkib, digər valideyni isə qeyd olunan kateqoriyalardan hər hansı birinə aid olanlar;

Qeyd: TTK-nin veriləcəyi semestrdən əvvəlki semestrdə (yarımil) hər hansı bir fənn (modul) üzrə tələbənin akademik borcu (fənlər üzrə kəsiri) olmamalıdır.